Arxada qanqal olan üzdə çiçək kimidir,
Qıza qarı söyləyən qarı ipək kimidir.
Dost deyənin içində iblis mələk kimidir,
Dondan-dona dəyişən siyasət Türkə düşmən.
Qəddi düzələ bilməz beli qırışıqların,
Çömçənin qulluğunda dayanan qaşıqların.
Qanı Türk qanı deyil, qanı qarışıqların,
İçindəki məharət, küdurət Türkə düşmən.
Buludu görməyənlər dumanda da azırlar,
Haqq ilə həqiqəti yuxu kimi yozurlar.
Adını, soyadını dəyişirlər, pozurlar,
İtaət Türkə düşmən, ibadət Türkə düşmən.
Gözlərində tir olan gözlərimdə tük gəzir,
Qışda geyinmək üçün arvadına kürk gəzir.
Türkdən tülkütək qorxan şər atmağa Türk gəzir,
Ədalət susan zaman ədavət Türkə düşmən.
Ey Türk oğlu, ayıq ol, boran yadından çıxar,
Kürəyindən aldığın yaran yadından çıxar.
Tur dağına dönməsən Turan yadından çıxar,
Əsarət qola qandal, ətalət Türkə düşmən
Men qoynunda doğuldum, sen içime köçmüsen,
Nağıl dili olmasın, qıl körpüden keçmisen.
Neyine güvenmişem, neyime and içmisen,
Toyuna, bayramına bir vaxt salam vererdim-
Salam, Xocalı derdim!
Qırxqız mehi mizrabın, Qarqar qopuzun idi,
Çölün de, çınqılın da şekerin, duzun idi.
Qoynuna qısılanda qolların uzun idi.
Sene Ana deyerdim, mene oğul deyerdin-
Salam, Xocalı derdim!
Elim eteye çatmır, elim göylere deyir,
Eleyenler eleyib eyilmezleri eyir.
Yetim uşaq görende yaralarım göyneyir.
Bu derd tek menim olsa üreyimde çekerdim-
Salam, Xocalı derdim!
Qara, qerib daşı var her eyilen xurcunun,
İsteyi gizli deyil burnumuzun ucunun.
Sağlığını isteyir axı borclu borclunun.
Senin derdin olmasa belke çoxdan ölerdim-
Salam, Xocalı derdim!
Meni daştek kündele, meni qum kimi yoğur,
Bu dünyanın havası meni dördelli boğur.
Üzüme bahar doğmur, üzüme payız doğur.
Elim eline deyse ayağını öperdim-
Salam, Xocalı derdim!
Men qanımı görmüşem düşmenin qaşığında,
Eşqim deli olubdu hesret yaraşığında.
Tonqal çatacağam men bu derdin işığında.
Sevincim incimesin, men derdime güvendim-
Salam, Xocalı derdim!
Üreyin ülker qızı, idrakın nizesi var,
And mene köhne dostdur, sözümün tezesi var.
Sevincin sirri belli, derdin möcüzesi var.
Pencer kimi biçilib, xencer kimi göyerdim-
Sağ ol, Xocalı derdim!
Sağal, Xocalı derdim!
Salam, Xocalı derdim!