1. Ana Sayfa
  2. Azərbaycan
  3. Qar və sulu qar yağacaq

Qar və sulu qar yağacaq

Son güncelleme: 14.12.2009 09:28
byHaktan byHaktan foto
  • Paytaxtda isə hava buludlu, tutqun olacaq.

    noimage

    Yaxın üç gündə paytaxtda hava yağıntılı keçəcək.
    Ekologiya və Təbii Sərvətlər Nazirliyinin Hidrometeoroloji Proqnozlar Bürosunun baş hidroloqu Asif Verdiyevin verdiyi məlumata görə, dekabrın 14-də Bakıda və Abşeron yarmadasında havanın buludlu olacağı, axşama doğru arabir tutulacağı, gün ərzində əsasən yağmursuz keçəcəyi gözlənilir. Cənub-qərb küləyi əsəcək, günün ikinci yarısında şimal-qərb küləyinə keçəcək, axşama doğru arabir yarımadanın bəzi yerlərində güclənəcək. Havanın temperaturu gündüz 10-13° isti, axşam 5-8° isti olacaq.

    Dekabrın 15-də yarımadanın bəzi yerlərində yağıntılı olacağı gözlənilir. Şimal-qərb küləyi əsəcək, gecə arabir güclənəcək, gündüz bir qədər müləyimləşəcək. Havanın temperaturu gecə 2-4° isti, gündüz 5-7° isti olacaq.

    Dekabrın 16-da buludlu, az yağıntılı hava şəraiti davam edəcək. Gündüz havanın arabir açılacağı, əsasən yağmursuz keçəcəyi proqnozlaşdırılır. Cənub-qərb küləyi yarımadanın bəzi yerlərində güclənəcək. Havanın temperaturu gecə 3-5° isti, gündüz 6-9° isti olacaq.

    Dekabrın 17-də isə dəyişkən buludlu, arabir tutqun olacağı gözlənilsə də yağıntı olmayacaq. Gecə və səhər bəzi yerlərdə duman müşahidə ediləcək. Cənub-qərb küləyi əsəcək, axşam şimal-qərb küləyinə keçəcək. Havanın temperaturu gecə 3-6° isti, gündüz 9-11° isti olacaq.

    Azərbaycanın rayonlarında isə qar və sulu qar yağacağı gözlənilir. Dekabrın 15-də bəzi yerlərdə sulu qar, dağlıq və dağətəyi rayonlarda qar yağacağı ehtimal edilir. Səhər ayrı-ayrı yerlərdə duman olacaq. Şimal-qərb küləyi arabir güclənəcək, gündüz şərq küləyinə keçəcək. Havanın temperaturu gecə 1-4° isti, gündüz 6-10° isti, dağlarda gecə 2-7° şaxta, gündüz 2° şaxtadan 3°-dək isti olacaq.

    Dekabrın 16-17-də gündüz saatlarında hava əsasən yağmursuz olsa da, gecə və axşam bəzi yerlərdə yağıntılı olacağı, dağlıq ərazilərdə qar yağacağı gözlənilir. Cənub-qərb küləyi əsəcək, ayrı-ayrı yerlərdə arabir güclənəcək. Gecə 3-5° isti, gündüz 8-13° isti, dağlarda gecə 0-5° şaxta, gündüz 1-6° isti müşahidə ediləcək.

    Tibbi-meteoroloji proqnoz

    Yaxın 3 gün ərzində Abşeron yarımadasında atmosfer təzyiqinin normadan yüksək olması, sonrakı 2 gündə isə normadan xeyli aşağı enməsi meteohəssas insanlarda narahatlıq hissi yarada bilər.

    Qaynaq:anspress.com
#14.12.2009 09:28 0 0 0