1. Ana Sayfa
  2. Azərbaycan
  3. Müqəddəs Doğum və Mövlud Qəndili

Müqəddəs Doğum və Mövlud Qəndili

Son güncelleme: 26.02.2010 15:33
Lady_rap Lady_rap foto
  • Həyatın məqsədi, yaradılışın mənası silinmiş, yox olmuşdu. Hər şey mənasız başıboşluq və hüzn örtülərinə bürünmüşdü.

    Ruhlar bir şey gözləyir, bir nurun zülmət pərdəsini cırmasını içdən içə hiss edirdi.

    O vəhşilik dövründə kainat üfüqündən bir günəş doğuldu. Bu günəş axırzaman Peyğəmbəri Hz. Məhəmmməd Əleyhissalatu Vəssalam idi. Tarixin seyrini, həyatın axışını dəyişdirən bu bənzərsiz hadisə, dünyanı yerindən sarsıdan dəyişmələrin ən böyüyü idi.

    İnsanlığın ağıl və ürəyində düyünlənən "Nəçisən, haradan gəlirsən, hara gedirsən?" suallarını, düyünlərini həll edib kainatın Sahibini elan və isbat edəcək bir şəxsin təşrifi yalnız insanların ruh və ürəyində deyil, digər varlıqlarda, hətta cansız əşyada belə əks olunmasını tapacaqdı.

    Şərqdən qərbə bütün aləmin nurlara büründüyü, İlahi dəyişmənin təcəlli etdiyi o gecə nələr oldu nələr?

    Yəhudi irəli gələnləri və alimləri kitablarında daha əvvəl rast gəldikləri işarə və müjdələrin ortaya çıxdığını gördülər. Kimsənin xəbəri olmadan ən əvvəl onlar bu müjdəni verdilər.

    O gecə Yəhudi alimləri səmaya baxıb "Bu ulduzun doğulduğu gecə Əhməd doğulmuşdur" dedilər.

    Bir Yəhudi İrəli gələni Məkkədə Peyğəmbərimizin doğulduğu gecə, içlərində Hişam və Velid min Muğire, Utbe min Rəbiyə kimi Qureyş irəli gələnlərinin olduğu bir yığıncaqda,
    - "Bu gecə sizlərdən birinin uşağı oldumu?" deyə soruşdu.
    - "Bilmirik" deyə cavab verdilər.
    Yəhudi, "Vallah sizin bu laqeydliyinizdən iyrənirəm!
    "Baxın, ey Qureyş birliyi, sizə nə söyləyirəm, yaxşı dinləyin. Bu gecə, bu ümmətin ən son peyğəmbəri Əhməd doğuldu." dedi.

    Yığıncaqda olanlar Yəhudinin sözündən heyrətə düşdülər və dağıldılar. Hər birisi evlərinə döndüyündə bu vəziyyəti ev xalqına izah etdilər. "Bu gecə Abdülmuttalibin oğulu Abdullahın bir oğulu doğuldu. Adını Məhəmməd qoydular." xəbərini aldılar.

    Sabahısı gün Yəhudinin yanına getdilər:
    "Bəhs etdiyin uşağın bizim aramızda dünyaya gəldiyini eşitdinmi?" dedilər.
    Yəhudi "Onun doğumu mənim sizə xəbər verdiyimdən əvvəldirmi, sonradırmı?" dedi.
    Onlar, "Əvvəldir və adı Əhməddir" dedilər. Yəhudi, "Məni ona aparın" dedi.
    Yəhudi ilə birgə qalxıb Hz. Əminənin evinə getdilər, içəri girdilər.
    Peyğəmbərimizi Yəhudinin yanına çıxardılar. Yəhudi Peyğəmbərimizin kürəyindəki xalı görüncə,huşunu itirdi, pisləşdi. Özünə gəlib ayıldığı sırada,

    "Nə oldu sənə" dedilər.

    Yəhudi, "Artıq İsrailoğullarından peyğəmbərlik getdi. Əllərindən kitab da getdi. Artıq Yəhudi alimlərinin qiymət və etibarları da qalmadı. Ərəblər peyğəmbərləriylə qurtuluşa çatacaqlar.

    "Ey Qureyş birliyi, ferahladınızmı? Vallah sizə, şərqdən qərbə qədər çatacaq bir güc, qüvvət və bir üstünlük veriləcək" dedi.

    Kainatın Əfəndisini dünyaya gətirən bəxtiyar ananın hələ dünyaya gəlmədən görüb gördükləri çox mənalı idi..

    Peyğəmbər Əfəndimizə hamiləykən yuxusunda, "Sən, insanların ən xeyirlisinə və bu ümmətin əfəndisinə hamilə oldun. Onu dünyaya gətirdiyin zaman 'Hər həsəd aparanın şərindən qoruması üçün bir və tək olana sığınaram' da, sonra ona Əhməd yaxud Məhəmməd adını ver."

    Eyni gecə Hz. Əminənin yanında olan Osman ibn Asın anasının gördükləri də belə:

    "O gecə evin içi nurla doldu, ulduzların sanki üzərimizə töküləcəkmiş kimi sallandıqlarını gördük."


    Ərəblərə görə o zaman, gecə doğan uşağın üzərinə bir çanaq qoymaq və gündüz olmadan ona baxmamaq adət idi. Lakin bir də baxdılar ki. Peyğəmbər Əfəndimizin üzərinə qoyulan çanaq yarılaraq ikiyə ayrılmış, Əfəndimiz gözlərini səmaya doğrultmuş, baş barmağını əmirdi.

    Bəli, bu işarə hər cür küfrün, zülmün, şiryin və hər cür batil inanc və adətlərin parçalanıb yox olması, imanın, nurun və hidayətin kainatı işıqlandırması üçün göndərilmiş bir Peyğəmbər idi.

    Eyni gecə Kəbədə tapınılmaqda olan cansız bütlərin çoxunun başıaşağı aşdığı görüldü.

    Eyni gecə Kisra sarayının beşik kimi yellənib on dörd balkonunun parçalanıb yerlərə düşdüyü öyrənildi.

    Sovada müqəddəs tanınan gölün suyunun çəkilib getdiyi görüldü.

    Min ildir yandırılan və söndürülməyən atəşpərəst atəşinin söndüyü müşahidə edildi.

    Bütün bunlar işarə və əlamətdir ki, yeni dünyaya gələn şəxs atəşə tapınmağı, bütə tapınmağı qaldırıb, Fars səltənətini parçalayaraq Allahın icazəsi olmadan müqəddəs tanınan şeylərin müqəddəsliyini ortadan qaldıracaq.

    Bu gecəyə Veladeti Nəbi gecəsi deyir və onun bütün ürəyimizlə, ruhumuzla hər il yenidən yad edib qeyd edirik. Bütün kainatla bu gecəni qarşılayaraq onun aləmə təşrifinə qiyam edirik.

    Uca Rəbbim bizləri sevimli Rəsulunun şəfaətinə nail etsin.
#26.02.2010 15:33 0 0 0