Başı kəsik Gözəl kötük - Ramiz Rövşən
Son güncelleme: 17.03.2010 22:51
-
Başı kəsik gözəl kötük,
Bu dağı sənə kim çəkdi?
Baltanı sənə kim vurdu,
Bıçağı sənə kim çəkdi?
İpək-ipək yarpaqların
Küləklərlə talandımı?
Bilək-bilək budaqların
Ocaqlarda qalandımı?
Küsdünmü taleyin acılığından?
Zalımlar keçmədi qocalığından
Yıxılmış ucalığından,
Başı kəsik gözəl kötük...
Gözlə! kötük, sızıldama, göynəmə,
Nə baltalar, nə bıçaqlar qalacaq.
Ucalıqdan yıxılsan da, qəm yemə,
Sən yıxılan ucalıqlar qalacaq.
Dünyanın kuləyi keçər,
Qarı yağışı keçər.
Qatar-Qatar quşu Keçər,
Daş atarlar, daşı keçər
Sən yıxılan ucalıqdan.
Ümidli gözlər dikilər,
Körpə ağaçlar yekələr
Yekələr, qalxar, dikələr
Sən yıxılan ucalığa...
Məndən sənə salam olsun,
Başı kəsik gözəl kötük!
Balam olsa, balan olsun,
Başı kəsik gözəl kötük.
Əyilim, köksünə başımı qoyum,
Gecələr laylamı çalasan mənim.
Böyründə bir evin daşını qoyum,
Evimin dirəyi olasan mənim.
Gözəl kötük,
Yaraların köz bağlasın, sağalsın,
Bu dünyada nə baltalar,
Nə bıçaqlar qalacaq.
Ucalıqdan yıxılsan da,
Yenə canın sağ olsun,
Bu dünyada
Sən yıxılan ucalıqlar qalacaq...
"Ramiz Rövşən"
- Başı kəsik Gözəl kötük - Ramiz Rövşən Konusuna Benzer Konular
- ADIM BAŞI SENSİZLİK 20.07.2004
- YIL BAŞI BALOSU 23.08.2004
- TÜM TÜRK FUTBOLU ve FENERBAHÇE CAMİASININ BAŞI SAĞOLSUN... 31.05.2005
- Basi agriyan varmi 02.11.2005
- Her işin başı, din gayretidir 19.04.2009
- Plastik Gıda Ambalajı 17.03.2010 22:51