1. Ana Sayfa
  2. Azərbaycan
  3. Dərdim

Dərdim

Son güncelleme: 11.06.2010 00:18
Leyl-i Lal Leyl-i Lal foto
  • Dərddən dərd törənib bir dərd olubdur,
    Dərdi məndə gəzin, dərdsiz dostlarım.
    Dərdsiz günüm yoxdu dərdli dünyada,
    Dərd əlindən ağarıbdır saçlarım.
    *****
    Dünyaya gəlişim özü bir dərddir,
    Pis niyyət insanın gözü bir dərddir.
    Sevdiyimin "Sevmirəm" sözü bir dərddir,
    Qaçıram baş alıb dərdin əlindən.
    *****
    Elə dərdim var ki, kimsə bilməyir,
    Bilməyir nə dostlar, nə yaxınlarım.
    Dərdimə çarə yox, heç axtarmayın,
    Ağ yeyir qırmızın, yox olur qanım.
    *****
    Hələ bu dərdimə dərd də gəlibdir,
    Hamı məndən xoş gələcək gözləyir.
    Nə qədər gücüm var, tab gətirəcəm,
    Bacarmasam, başa düşün dərdimi.
    *****
    Hamının öz yolu, öz taleyi var,
    Mənim ömür yolum bura qədərmiş.
    Çox az ömür sürüb vida edirəm,
    Amma yenə yaşamaq nə gözəlmiş.
    *****
    Dostlar, sizə son dəfə səslənirəm,
    Ola bilsin xətrinizə dəymişəm.
    Sonra vaxtım olmaz, halallıq verin,
    Heç olmasa, qoy unudum dərdimi.
    *****
    Anam, göz bəbəyim, bəsdir ağlama,
    Gözündəki hər yaşına qurbanam.
    Qəbrim üstə ürəyini dağlama,
    Artıq mən indidən ölmüş insanam.

    Əhməd Şahidov
    21 Mart 2010-cu il, saat 04:22, Moskva, Rusiya
#11.06.2010 00:18 0 0 0