Azərbaycanı ötən illərdə "Eurovision" yarışmalarında təmsil etmiş ifaçılar Aysel Teymurzadə və Səfurə Əlizadə builki təmsilçilərə dəstək olmaq üçün Almaniyaya gediblər.
APA-nın Düsseldorfa ezam olunmuş müxbirinin verdiyi məlumata görə, A. Teymurzadə və S. Əlizadə artıq "Eurovision-2011" yarışmasının keçiriləcəyi Düsseldorf şəhərindədirlər. Hər iki xanım mayın 10-da Eldar və Nigarın çıxışını "Esprit Arena"da canlı izləyəcək.