1. Ana Sayfa
  2. Azərbaycan
  3. Möminin məracı

Möminin məracı

Son güncelleme: 23.07.2011 16:04
Sarsın Sarsın foto
  • noimageİmam Sadiq (ə) buyurmuşdur: "Allah yanında ən sevimli iş namazdır və Peyğəmbərin (s) insanlara son vəsiyyətidir". Eləcə də İslam Peyğəmbəri (s) buyurub: "Namaz qılmaq istəyəndə gözəl şəkildə dəstəmaz al, sonra qıbləyə doğru dur və təkbir de". Rəsuli-Əkrəm (ə) islam yolunda əlindən gələni etmiş, insanları dinə çəkmək üçün bütün çətinliklərə dözmüşdür. O, bütün insanları yalnız bir olan Allaha pərəstiş etməyə, yalnız ona səcdə etməyə, ona möhtac olmağa çağırmışdır və buyurmuşdur: "Qiyamətin səhnəsində ilk soruşulan şey - namazdır".



    Bəs Allaha necə ibadət edək?
    Gəlin özümüzdə bunu müqayisə edək. Süstlük və tənbəlliklə olunan ibadət qəbul olunar, yoxsa həvəs və zövqlə qılınan ibadət? Necə ki, çox sevdiyimiz bir şəxsi gördükdə sevinirik, ibadət də bizi şövqə gətirir və sevinc bəxş edir. Həqiqi aşiqlər azan səsini eşitməklə sanki intizarında olduqları birinin görüş vaxtının yaxınlaşdığını hiss edirlər. Neçə ki, Rəsuli-Əkrəm (s) Bilala buyurmuşdur: "Ey Bilal, bizə qəmdən və aclıqdan nicat ver. Məni dincəlt". İbadət şövqü Həzrəti (s) namaza çatdırırdı. Bəli, Rəsuli-Əkrəm (s) namazla dincəlirdi. Namaz insanla Allah arasındakı münacatdır ki, ruhun yüksəlişinə səbəb olur. İmam Sadiq (ə) buyurur: "Bir nəfər iki rükət namaz qılarsa və kiminlə danışdığını bilərsə, günahları bağışlanar".



    İbadətdən ləzzət almayanlar, dadlı yeməkdən ləzzət almayan xəstələrə bənzəyirlər.

    Həzrət Peyğəmbərdən (s) soruşdular ki, ən yaxşı əməl hansıdır?
    Buyurdu: "Əvvəl vaxtında qılınan namaz".

    Bəndənin bir çətinliyi olur, onu Allahla bölüşdükdə sanki nəsə itirmiş kimi yox, nəsə tapmış kimi olur.

    İmamlardan (ə) nəql olunan hədislərdə buyrulur:
    "Qəlblər yalnız Allahı zikr etməklə aram olar".



    Qurani-Kərim bütün bunlara birmənalı olaraq veriən cavabdır. Yalnız o, hər şeydən agahdır. Gəlin Məsumların (ə) son anlarındakı hallarına baxaq, görək ki, onlar namaza necə önəm veriblər. Həzrət Əli (ə) - Möminlərin Əmiri, nur üzlü, xoş ətirli İmamımız, məhz namaz üstündə şəhadətə yetişdi. Onun oğlu Həzrət İmam Hüseyn (ə) son anlarında namazı tərk etməyərək şəhid oldu.

    Əhli-beyt (ə) əsl Allah aşiqi idi. İbrət götürəcəyimiz şəxslər də məhz bunlardırlar.
    Allah bizləri öz sevgisindən, Əhli-beyt (ə) sevgisindən məhrum etməsin. Amin.
#23.07.2011 16:04 0 0 0