Temperatur 32 dərəcəyə qalxacaq
Son güncelleme: 16.09.2011 23:06
-
Ekologiya və Təbii Sərvətlər Nazirliyi Milli Hidrometeorologiya Departamenti bu gün gözlənilən hava proqnozunu açıqlayıb.
Ekologiya və Təbii Sərvətlər Nazirliyinin mətbuat xidmətindən Lent.az-a verilən məlumata görə, sentyabrın 17-də Bakıda və Abşeron yarımadasında hava şəraitinin dəyişkən buludlu olacağı, gün ərzində əsasən yağmursuz keçəcəyi gözlənilir.
Mülayim şimal-qərb küləyi əsəcək. Havanın temperaturu gecə 17-21 dərəcə, gündüz 25-30 dərəcə isti təşkil edəcək.
Azərbaycanın rayonlarına gəlincə, sentyabrın 17-də bəzi yerlərdə şimşək çaxacağı, qısamüddətli yağış yağacağı, gündüz əsasən yağmursuz keçəcəyi gözlənilir. Mülayim şərq küləyi əsəcək. Havanın temperaturu gecə 15-20 dərəcə, gündüz 27-32 dərəcə, dağlarda gecə 8-13 dərəcə, gündüz 16-21 dərəcə isti təşkil edəcək.
Milli Hidrometeorologiya Departamenti hava şəraitinin qısa icmalını da açıqlayıb. Yaxın 2 gün ərzində Abşeron yarımadasında hava şəraitinin əsasən yağmursuz keçəcəyi, mülayim şimal küləyinin üstünlük təşkil edəcəyi gözlənilir.
Qaynaq:Lent.az
- Temperatur 32 dərəcəyə qalxacaq Konusuna Benzer Konular
- “Earl” qasırğasının gücü dördüncü dərəcəyə yüksəldi 31.08.2010
- Bakıda hərarət 30 dərəcəyə çatacaq 17.05.2010
- Bakıda temperatur 39 dərəcəyə çatacaq 07.07.2010
- Temperatur ilə bağlı doğru bildiyiniz yalnışlar 17.01.2011
- Havanın hərarəti 14 dərəcəyə kimi qalxacaq 25.01.2011