Yalan - Nüsret Kesemenli
Son güncelleme:
-
Yalan şerini dinle - Nüsret Kesemenli şerleri
Ömürdən bir günü oğurlamışıq,
Qaçıb bölüşürük bu xəlvət yerdə.
Payızda ayrılan köçəri quşuq
Kim bilir,
Bəlkə də görüşdük bir də…
[HR][/HR][HR][/HR]
Boşalır ürəyin dolur gözlərin,
Gecikmiş zamanı lənətləyirsən.
Dolaşıb dilində qalır sözlərin
Özün də bilmirsən nə istəyirsən.
[HR][/HR][HR][/HR]
Örtür gözlərini yuxu xumarı,
Yuxun saçın kimı qarışıq düşər.
Fikirli keçərsən bu gün yolları,
Ünvanın adımla dolaşıq düşər…
[HR][/HR][HR][/HR]
Dəlitək daş atdıq bu sakit gölə,
O daşı geriyə qaytarmaq olmur.
Bizim yalanımız yeriyir hələ
Elə yeriyir ki, izi də qalmır.
[HR][/HR][HR][/HR]
Aça da bilmirik sirri heç kimə,
Elə gizli gizli alışırıq biz.
Bəlkə də bir doğru sevgi eşqinə
Min yalan uydurub danışırıq biz…
[HR][/HR][HR][/HR]
NÜSRET KƏSƏMƏNLİ