Uzaqlarda bir küçə var
Son güncelleme:
-
Uzaqlarda bir küçə var şeri - Uzaqlarda bir küçə var şerin dinle - Həmid Piriyev şeirleri
Uzaqlarda bir küçə var...
Orda sən yaşayırsan.
Hər səhər
o küçə ilə gedirsən.
Hər günorta
o küçə ilə qayıdırsan.
Uzaqlarda bir küçə var...
Otağının pəncərəsi o küçəyə açılır.
Hər gecə
otağının pəncərəsindən süzülən işıq
o küçəyə düşür...
Uzaqlarda bir küçə var...
Günəşin şüaları
o küçəyə açılan pəncərəndən boylanıb
otağını hərarətləndirir.
Uzaqlarda bir küçə var...
Əsən küləklər
o küçəyə açılan pəncərəndəki
pərdəni yelləəndirir,
otağını sərinlədir.
Uzaqlarda bir küçə var...
Yağan yağışlar
o küçəyə açılan pəncərəndən süzülən işıqları
isladır.
Uzaqlarda bir küçə var...
O küçənin səkisində
sənin ayaq izlərin var.
O küçədəki divarlarda
sənin əl izlərin var.
Uzaqlarda bir küçə var...
Xoşbəxtdir
o küçəyə düşən günəş şüası da...
o küçədə əsən külək də...
o küçəyə yağan yağış da...
o küçədəki səki də...
o küçədəki divarlar da...
Uzaqlarda bir küçə var...
Müəllif : Həmid Piriyev
-
oo canim cok gozel sozlerdi.heqiqetende "o kuce var yeni" ama sadece varliqindan xeberdariq--o kucede daha neler yasanir o bir sirr!
