Qürbətin - Əlibala Hacızadə
Son güncelleme: 07.12.2012 06:30
-
Qürbətin - Əlibala Hacızadə
Ömrümün günləri bükdü boynumu,
Əsdi, yaman əsdi yeli qürbətin.
Başıma dağlar tək qar ələndi, qar,
Gəzdi saçlarımda əli qürbətin.
Həsrətdən quzu tək mələyir ürək,
Çarə yox, hər dərdə dözəsən gərək.
Yağ-bal yedirsə də ögey ana tək,
Zəhər tuluğudur dili qürbətin.
Vətənsiz dünyanı Allah heylərdim?
Vətənə çatsaydım, olmazdı dərdim.
İsti qucağında rahat ölərdim
Axmazdı gözümdən seli qürbətin.
Elin öz qəmidir mənim öz qəmim,
Еldən ayrı düşsəm, el olar qənim.
Qəbrimi qürbətdə qazmayın mənim,
Üstümdə bitməsin gülü qürbətin.
-
men teşekkür edirem
gözlerinize saglık
- Qürbətin - Əlibala Hacızadə Konusuna Benzer Konular
- Düşüb - Əlibala Hacızadə 25.09.2012