De hara gedirsən
Son güncelleme: 11.04.2013 09:21
-
sevgi şeirleri - hesret şeirleri - getmelerle baglı şeirler - De hara gedirsən şeirin oxu
Şirin röyamısan,ya xəyalmısan,
Min cavab axtaran bir sualmısan?
Ümidim-nə yaman sən qocalmısan,
De hara gedirsən,hara gedirsən?
Yolların əvvəli axırı varmı?
Bu payız ömrümün baharı varmı?
Çağırsam harayım sənə çatarmı?
De hara gedirsən,hara gedirsən?
Taleyin aldığı həsrətli ilsən,
Necə gözləmişəm mən səni bilsən,
Sən səyyah deyilsən,yolçu deyilsən,
De hara gedirsən,hara gedirsən?
Günlərim əriyib illərim axıb,
Başımda nə qədər şimşəklər çaxıb,
Mənim bu yıxılmış dünyamı yıxıb,
De hara gedirsən hara gedirsən?
Sevincim ac qalıb kədərim doyub,
Rəngli günlərimi göz yaşım yuyub,
Məni bu kədərin əlində qoyub,
De hara gedirsən,hara gedirsən?
N.Kəsəmənli
- De hara gedirsən Konusuna Benzer Konular
- Çamur - Hara 28.03.2008
- Azərbaycanlılar hara və nə üçün gedirlər 07.03.2010
- Çamur - Hara 02.10.2010
- Biz hara gedirik 09.11.2010
- Görən hara gedir 08.12.2010