1. Ana Sayfa
  2. Azərbaycan
  3. Mələkdi sanki

Mələkdi sanki

Son güncelleme: 11.06.2013 07:19
Ceylan Ceylan foto
  • Sevgi şeirleri - sevgilini vesf eden şeirler - Mələkdi sanki şeirin oxu

    Canı yanmış, bu şirinlik haradan,
    Dodaqda bala bax, pətəkdi sanki.
    Sadəlik ən boyük bəri-bəzəyi,
    Ən şirin arzudu, diləkdi sanki.

    Sinəmə iti ox taxdı baxışlar,
    Elə bil sevməyib, toxdu baxışlar.
    Qəlbimi yandırıb-yaxdı baxışlar,
    Gözlər xoş məramlı kələkdi sanki.

    Bu yaşda düz yolum döndü tərsinə,
    Dedilər dərmandır dərdə tər sinə.
    Eşqin avandı nə, gülüm, tərsi nə?,
    İnsaf yox, zalım daş ürəkdi sanki.

    Çarəsiz dərdimi varmı dinləyən,
    Desin həsrətidir qəddimi əyən.
    Sinəmdə kaman tək əsib inləyən
    Xəzri, gilavardı, küləkdi sanki.

    Yenə cilvələnib qarşımda durub,
    Nazlı baxışıyla mənə tor qurub.
    Qəlbimə eşq adlı bir yara vurub-
    Qız deyil bu gözəl, mələkdi sanki.


    alıntı
#11.06.2013 07:19 0 0 0