Mən sənə vuruldum dəlicəsinə

Son güncelleme:
  • Sevgi şeirleri - mehebbet şeirleri - sevgiliye yazılanlar - Mən sənə vuruldum dəlicəsinə şeirin oxu


    Gah kükrədim,gah duruldum,gah axdım,
    Günəştək saçıldım,şimşəktək çaxdım,
    Gah yanıb-yaxıldım,yandırdım yaxdım,
    Mən sənə vuruldum dəlicəsinə.

    Yağış olub saçlarına yağmışam,
    Sevgi olub ürəyini yaxmışam,
    Deməki mən sənə qədər yoxmuşam,
    Mən sənə vuruldum dəlicəsinə.

    Gecələr Ay oldum,gündüzlər Günəş,
    İstidə bulağın,soyuqda atəş,
    Beynimdə bir heç ol,qəlbimdə birləş,
    Mən sənə vuruldum dəlicəsinə.

    Yazda çiçəyimsən,qışda qarımsan,
    Sevincim,kədərim,ahu-zarımsan,
    Arzum,məhəbbətim,xəyallarımsan,
    Mən sənə vuruldum dəlicəsinə.

    Ürəkdən-ürəyə yol var,bilirəm,
    "Sevirəm" deməyə dil var,bilirəm,
    Həftə var,zaman var,il var,bilirəm,
    Mən sənə vuruldum dəlicəsinə.

    Arzular,diləklər bir olsun gərək,
    Yoxsa ki,sevgiylə döyünməz ürək,
    Bütün varlığımla səni sevərək,
    Mən sənə vuruldum dəlicəsinə.


    alıntı
0 0 0