Sahib Çıxaq Dinimizə
Son güncelleme:
-
Sahib çıx dinimizə, bu nemətin qədrini bil
Uyma dünya malına, bu dünyada qalasıdır.
Oxu, elm al, a bala, İslamın beş şərtini bil
Onlar islama dayaq, tövhid isə binasıdır.
Yay ötür, payız keçir, qış dolanır, gəlir bahar
Tumurcuq, sonra çiçək, yavaş-yavaş yetişir bar.
Nə verib Tanrı bizə, hər şeyin öz nizamı var
Bu bir ibrətdi bizə, bu yaranış formasıdır.
Virtual aləm ilə yazışmaq görüş növüdür
Orda bir işarə var, o da bir öpüş növüdür.
Qayda olmayan təkcə "qaydasız döyüş" növüdür
Qurşağın altına vurmamaq onun qaydasıdır.
Fanidi dünya malı, girmə onunçün yarışa
Bəs edər məhv eləsin bircə ani partlayışa.
Aqil insan odu ki, axirət üçün çalışa
Bu dünya bir zəmidi, axirətin tarlasıdır.
Hər kəs ki, böyükləri dinləyər, ibrət götürər
Ədəb-ərkanlı olar, xeyir tapar, şər itirər.
Əxlaqı gözəlləşər, bu da üzə nur gətirər
Bu da bəllidir bizə göz ürəyin aynasıdır.
Oxuduq biz Quranı, O hikmət öyrətdi bizə
Hörmət, izzət, məhəbbət, ləyaqət öyrətdi bizə.
Ədəb, ərkan, qanacaq, mərifət öyrətdi bizə
Bu da bizlərdən ötrü dinimizin faydasıdır.
Müəllif: mirsaleh efqan
alıntı