Doymamışam

Son güncelleme: 04.02.2014 00:34

BiR-DOST foto

Mana tərəf uşaq kimi
Qaçmağından doymamışam,
Anam mənim!
O ismətli paltarından,
Başmağından doymamışam,
Anam mənim!

Üşüsən, isin istimə,
Saçın qarışsın tüstümə.
Səhvim olanda , üstümə
Coşmağından doymamışam,
Anam mənim!

Səsin həzin bir tütəkdi,
Üz-gözümdə vaxt qəm əkdi.
Yaşmaq yaşınmaq deməkdi,
Yaşmağından doymamışam,
Anam mənim!

Qışdakı işin yayadı,
Bu süzgəcdi, bu mayadı.
Hər gələndə bir bayatı,
Qoşmağından doymamışam,
Anam mənim!

alıntı

#04.02.2014 00:34 0 0 0

Doymamışam Konusuna Benzer Konular