Biri Baxır Üzümə
Son güncelleme:
-
Hərdən baxıram aynada,
Dərd dolusu özümə.
Kədər dolu xatirələr,
Yaştək dolur gözümə.
Sanki biri hesab sorur,
Məndən cavab gözləyir.
Mənsə sadəcə susuram,
Sükut məni izləyir.
Səssiz verilən suala,
Səssizcə baxıram mən.
Səssiz etirafdan başqa,
Bir şey gəlmir əlimdən.
Hər aynaya baxışında,
Öz əksiylə danışan.
Bu günah dolu dünyada,
Yoxmu günahsız insan?
Hərdən baxıram aynada,
Dərd dolusu özümə.
Qəmdən qurtula bilməyən,
Biri baxır üzümə.
alıntı