1. Ana Sayfa
  2. Azərbaycan
  3. Sən Deyən Oldu Qonşu

Sən Deyən Oldu Qonşu

Son güncelleme: 04.04.2014 17:29
BiR-DOST BiR-DOST foto
  • Uşaq idim, ay qonşu,
    Şıltaq idim, ay qonşu!
    Bağçadakı gülünün
    İlkini mən dərərdim,
    Qapındakı qoyunu,
    Quzunu hürküdərdim.
    Dalımca söyərdin də,
    Tutanda döyərdin də.
    “Uşaqları oddur, od”
    Deyib yazıq atamdan,
    Anamdan da əyərdin,
    Kölgəm görünən kimi
    “Vurulasan” deyərdin.
    Uşaq idim, ay qonşu!
    Yox kədərim, yox dərdim,
    Dəcəlliyi sevərdim.
    Elə sözlər danışıb,
    Elə işlər görmüşəm!
    İnək sağdığın yerdə
    Papağımı tullayıb,
    Südünü tökdürmüşəm.
    Acığından,
    Hirsindən
    Dodağını yemisən,
    Sözün elə bu olub:
    “Vurulasan!” demisən..
    O günlərin üstünü
    Duman alıb hardasa,
    O günlər muncuq kimi
    Düşüb qalıb hardasa.
    Qonşu, qonşu, qulaq as,
    Sözün yetib yerinə,
    “Vurulasan” deyərdin,
    Vurulmuşam barmağı
    Məndən üzük istəyən
    Qızlarından birinə!

    Müəllif: Ənvər Rza

    alıntı
#04.04.2014 17:29 0 0 0