Qoruyaq

Son güncelleme:
  • Körpülər salammaz yuva yıxanlar,
    Azalır,mərdləri qoruyaq,gəlin.
    Göylərə ucalmaz yerə baxanlar,
    Şeytandan yurdları qoruyaq,gəlin.

    Könül açmayana,aya,yaz yoxdu,
    Əməli biçməyə bir dəryaz yoxdu,
    Dərd verən Tanrısa,etiraz yoxdu,
    Adəmdən dərdləri qoruyaq,gəlin.

    Səbəb var ruzgarın bozarmağına,
    Sönməyən ocagın közərməyinə,
    Üzündə rəng qalan qızarmağına
    Pərişan,pərtləri qoruyaq,gəlin.

    Yarandıq,qul olaq təkcə Tanrıya,
    Gərəkdi dünya da bizdən yarıya,
    Bəridən iki cür yol var anrıya,
    Pozulmaz şərtləri qoruyaq,gəlin.

    Səkinə İlyas da sözün sərrafı,
    Əldəki qələmi ömründən baha,
    Şairə dəyəni tutar söz ahı,
    Qayanı sərtləri qoruyaq,gəlin.

    alıntı
0 0 0