Dilimdə oxunan həsrət nəğməsi

Son güncelleme:
  • Mən bahar olanda, o buzlaq olub,
    Mən yaxın olanda, o uzaq olub.
    Mən böyük olanda, o uşaq olub,
    Dilimdə oxunan həsrət nəğməsi.

    Duyğumu coşdurub, qaynadan da o,
    Başıma ip salıb, oynadan da o.
    Təmizdir, şəffafdır aynadan da o,
    Dilimdə oxunan həsrət nəğməsi.

    Doyub əzabından, yanılan oldum,
    Əl çəkib yolundan, yenilən oldum.
    Yenə ona doğru yönələn oldum,
    Dilimdə oxunan həsrət nəğməsi.

    Düşüb qədəminə, gedən olmuşam,
    Dumanlı dağında itən olmuşam.
    Poladam , sözündə bitən olmuşam,
    Dilimdə oxunan həsrət nəğməsi.

    alıntı
0 0 0