1. Ana Sayfa
  2. Azərbaycan
  3. Günahdır ha

Günahdır ha

Son güncelleme: 23.04.2014 14:38
BiR-DOST BiR-DOST foto
  • Ömrü gödək bir çəpərə
    Barı demək günahdır ha!
    Laləyə ağ, bənövşəyə
    Sarı demək günahdır ha!

    Bir məbəddir eşqin adı,
    Çox nadanı eşq qınadı.
    Hər atəşə eşqin odu,
    Qoru demək günahdır ha!

    Sözü söylə söz qanana
    Çəkilməsin söz qınına.
    Gül üstünə hər qonana
    Arı demək günahdır ha!

    Çox borcluyuq biz əllərə,
    İllər salar iz əllərə.
    Yaşı ötmüş gözəllərə
    Qarı demək günahdır ha!

    Boran isti, ocaq sərin,
    Dərə hündür, təpə dərin.
    Hər ağ saça zirvələrin
    Qarı demək günahdır ha!

    Müəllif: Ənvər Rza

    alıntı
#23.04.2014 14:38 0 0 0