Ölürsən

Son güncelleme: 23.04.2014 14:52

BiR-DOST foto

Pillə pillə, düşə düşə gözümdən,
Günü gündən, bil gözümdə ölürsən.
Od almadın sevgi adlı közümdən,
Külə dönüb, bil közümdə ölürsən.

Sənsiz olar halım, günüm vay bildin,
Nə bir hörmət, nə ehtiram, say bildin,
Sən özünü Ulduz bildin, Ay bildin,
Günəş çıxır, göy üzümdə ölürsən.

Can söylədim, acı şirin sözünə,
Bilmədin heç doğmalığın özü nə,
Bax deyirəm, indi eşit özünə,
Adın düşür, bil sözümdə ölürsən.

Pillə pillə, düşə düşə gözümdə,
Bu düşüşdən söndü odum, közüm də,
Sevgin ilə yaşayırdın özümdə,
Sevgin ölür, bil özümdə ölürsən.

alıntı

#23.04.2014 14:52 0 0 0

Ölürsən Konusuna Benzer Konular