1. Ana Sayfa
  2. Azərbaycan
  3. İblis əsgərləri

İblis əsgərləri

Son güncelleme: 01.05.2014 19:32
BiR-DOST BiR-DOST foto
  • Gözünü yaxşı aç, ey insan oğlu.

    İblisdən kənar qaç, günah eyləmə!

    Olma şirin dilin, tərifin qulu,

    Qəlbinə yalanı qonaq eyləmə!


    Niyə gözlərini bağlayır Tanrı,

    Tamahın nökəri, inadkar insan!?

    Haqqın boğazına zəncir bağlayıb.

    Nahaqqa kölə tək bağışlayırsan!?


    İblis ürəyinə hardan yol tapıb.

    Niyə pis əməli qılınc edirsən?

    Şeytan qarşısında təlxəklik edib

    Adını dünyada gülünc edirsən!


    Unutma quş kimi uçub göylərə

    Əməllər dünyanı dolaşır gəlir.

    Saxla xatirində, sən büdrəyəndə.

    Dostlar xiffətlənir, düşmənlər gülür!

    İllər keçdikcə insanlığı parçalayan, cəmiyyəti bir-birinə qatan, yaxşını lilli su kimi çirkə döndərən, dostları düşmən edən, düşmənləri müvəqqəti dost edən bu dünyəvi xəstəliyin vurduğu zərbələri daha dərindən duyursan. Şükür bizi Yaradana ki, qoruyub dünyamızı, ürəyimizi. Hələ ki təmiz, saf bacı və qardaşlarımız var. Yaşamağa dəyər.

    Bir alovdur, baxmır yaşa, quruya,

    Bulayır, qatır lili duruya.

    İdrisoğlu, o dillər ki, quruya.

    Gülüstanı kül eyləyən od olsun!


    Qoruyun mənəviyyatınızı! Sonra gec olur... Hər şey gəldi-gedərdir. Təmiz ya da çirkin adınız qalacaq dünyada.

    Ilham İdrisoğlu

    https://www.main-board.com/azerbaycan-edebiyyati-ve-incesenet/769483-iradesiz-insanlar.html#post5109216
#01.05.2014 19:32 0 0 0