Yadına düşəcəyəm
Son güncelleme:
-
Sevib, sonra atılanda,
Əldən-ələ satılanda,
Ömrünə qəm qatılanda,
Mən yadına düşəcəyəm.
Yalan eşqlər yorar bir gün,
Ürəyini vurar bir gün.
Bilirəm ki, olar bir gün -
Yadına mən düşəcəyəm.
Gözlərimi anacaqsan,
Gizli-gizli yanacaqsan,
Hər şeyi boş sanacaqsan,
Mən yadına düşəcəyəm.
Gül yanağın büzüləcək,
Köksünə yaş süzüləcək.
Ürəyin hey üzüləcək,
Mən yadına düşəcəyəm.
Taleyin sərt axışında,
Hər izində, naxışında,
Bir sərin yaz yağışında,
Mən yadına düşəcəyəm...