1. Ana Sayfa
  2. Azərbaycan
  3. Mənə bir yalan danış

Mənə bir yalan danış

Son güncelleme: 08.06.2014 12:12
BiR-DOST BiR-DOST foto
  • Mənə bir yalan danış,
    Inan ki,inanacam.
    Yenə de ki,sevirsən
    Yenə də aldanacam.


    Mənə bir yalan danış,
    Bir yudumluq içimə de.
    Bir damcı da utanma,
    Gözümün içinə de.


    Mənə bir yalan danış,
    Rəngi "ağappağ"olsun.
    Yeddi qatımdan keçib,
    Dərdimə ortaq olsun.


    Mənə bir yalan danış,
    Ayaq tutub yerisin.
    Qəlbimdəki buz dağı,
    Az da olsa ərisin...


    Mənə bir yalan danış,
    Min dənə düzə dəysin.
    Bir ömürlük "susmağa"
    Söhbətə,sözə dəysin.


    Mənə bir yalan danış,
    Alım onu qoynuma.
    Savabı sənin olsun,
    Günah mənim boynuma.


    Mənə bir yalan danış,
    Inan ki,inanacam.
    Yenə de ki,sevirsən,
    Yenə də aldanacam.

    alıntı
#08.06.2014 12:12 0 0 0