Hər gün xəyallarla birgəyəm sənsiz
Son güncelleme:
-
Acizəm önündə bu məhəbbətin
Dözülməz ağrıdır mənə həsrətin
Sən özün getmisən qalıb surətin
Hər gün xəyallarla birgəyəm sənsiz
Bəlkə bu sevgiyə ağıram yükəm?
Axı rəvadırmı göz yaşı tökəm?
Mən hamıdan təkəm hamıdan təkəm
Gecələr qeyb olan kölgəyəm sənsiz
Sən mənim qoluma ayrılıq saldın
Sağıma soluma ayrılıq saldın
Getdiyim yoluma ayrılıq saldın
Sırası pozulmuş cərgəyəm sənsiz
Yaşaya bilmirəm mən sənsiz belə
Gəl ki başlamasın bu son mərhələ
Sənli günlərimə ümid var hələ
Xoşbəxtlik gözləyən növbəyəm sənsiz
Elçin Nur
alıntı