Dayan ey ürəyim döyünmə daha
Son güncelleme:
-
Bilirəm, bu sevgi yük oldu sənə,
Var-dövlət sevgidən tutuldu baha.
Niyə döyünürsən, yaxşısı budur,
Dayan ey ürəyim, döyünmə daha.
Günah səndə deyil, qalmısan yalqız,
Səni tərk eyləyib, atıbdır o qız,
Yalandan sevirəm deyib vəfasız,
Dayan ey ürəyim, döyünmə daha.
Mən sənə xəyanət etmərəm heç vaxt,
Heç buna cəsarət etmərəm heç vaxt,
İnan ki, şikayət etmərəm heç vaxt,
Dayan ey ürəyim, döyünmə daha.
Nə edim, sevincdən dönmədin dağa,
Döndün çirkli əldə bir oyuncağa,
Əşya tək atıldın sonda bucağa,
Dayan ey ürəyim, döyünmə daha.
Mən onu sevirdim, olsa da zülüm,
Hicrana çevrildi hər ayım, ilim,
İnsaf et, nə olar, gəl dayan, ölüm,
Dayan, ey ürəyim, döyünmə daha.
alıntı