Sən elə həminsən dəyişməmisən

Son güncelleme: 18.10.2014 00:18

Efsane-Baby foto

Açıq səmalara bulud gələndə,
Həsrətim qəlbini ox tək dələndə,
Göylərdən üstünə dərd ələnəndə,
Məni xatırladar yagışlar sənə.

Özgənin yayından atılan oxsan,
Bu yeni dünyamda sən artıq yoxsan.
Mənim gözlərimə bir daha baxsan,
Yeni bir dünyanı bağışlar sənə.

Nələr gəlməyib ki mənim başıma,
Həyat çıxardarsa səni qarşıma,
Nə olar,dil açıb heçnə danışma,
Hər şeyi danışar baxışlar sənə...

Sanki şeytan namaz qılıb üzümdə,
Özünə bir məskən salıb üzümdə,
Illərin həsrəti qalıb üzümdə,
De,tanış gəldimi qırışlar sənə?

Sanki bu illərlə döyüşməmisən,
Gecələr zülmətlə söyüşməmisən,
Sən elə həminsən,dəyişməmisən.
Afərin, afərin, alqışlar sənə..

Müəllif:Xəlil Adıgözəl

alıntı

#18.10.2014 00:18 0 0 0

Sən elə həminsən dəyişməmisən Konusuna Benzer Konular