1. Ana Sayfa
  2. Azərbaycan
  3. Neyləyim

Neyləyim

Son güncelleme: 29.11.2014 06:49
OnLyGirL OnLyGirL foto

  • Bir zaman könlümü ovlayan pəri,
    Etmədi dərdimə çarə, neyləyim?
    Hər yada saldıqca keçən günləri,
    Çəkir sinəm üstə yara, neyləyim?

    Görən hara baxır ala gözləri,
    Kimlərlə tutuşub söhbət-sözləri?
    Ot basıb cığırı, itib izləri,
    Yolun salıb uzaqlara neyləyim?

    Kövrək ürəyimi döndərib daşa,
    Ömür sona yetdi, az qalıb yaşa.
    Zülfüqar, huş gedib, cəm olmur başa,
    Olmuşam mən günü qara, neyləyim?

    Zülfüqar Zülfüqarov
#29.11.2014 06:49 0 0 0