Ağ vərəq
Son güncelleme:
-
Ağappaq bir vərəq önümdə durub,
Əlimdə qələmim,yazacaq söz yox...
Qorxuram yazdığım səhv olar deyə,
Amma ki,ağlımda fikirlərim çox...
Ağ vərəq önümdə durub eləcə,
Baxıram kağıza,əldə qələmə...
Əllərim titrəyir,yazmayır qələm,
Sözlərdən ağ vərəq kirlənər deyə...
Qələm də qəsdimə durubdur sanki,
Ürəyim doludur,yazmaq istəmir...
İnsanlar vərəqi zibilə atır,
Ən böyük sirdaşım onlardır bilmir...
Bütün şeirlərim ağ vərəq üstə,
Hər kağız üstündə bir xatirəm var...
Yazmağa başlasam dastan alınar,
Ancaq neyləyəsən,kağızda yer dar...
Ağappaq bir vərəq önümdə durub,
Əlimdə qələmim yazacaq söz yox...
Bilmirəm nə yazım,nədən başlayım,
Amma ki,ürəkdə deyəcək söz çox..
alıntı