Biz ayrı qalmışıq eyni şəhərdə
Son güncelleme:
-
Mən bu şəhərdə sənsizəm yenə,
Gözlərim arayır səni hər yerdə.
De görüm, kim dözər belə bir dərdə?
Biz ayrı qalmışıq eyni şəhərdə.
Mən çox inanmışdım bu məhəbbətə,
Sevgi də yox olub, dönüb kədərə.
Heç kim dinə bilmir belə qədərə,
Biz ayrı qalmışıq eyni şəhərdə.
Bülbültək solmuşam inan qəfəsdə,
Qalıbdır ürəyim acı, həsrətdə.
Bu necə zülümdür yazıb qismətdə?
Biz ayrı qalmışıq eyni şəhərdə.
Həmişə möhtacdım belə sevgiyə,
Mən səni çox sevdim öz ürəyimdə.
Pisliyim dəymədi mənim kimsəyə,
Biz ayrı qalmışıq eyni şəhərdə.
Təzələndi yenə yara qəlbimdə,
Göz yaşı axıtdım hər bir sətirdə.
Oxusan xatırla məni şeirimdə,
Biz ayrı qalmışıq eyni şəhərdə.