Vəfasız sevgilim
Son güncelleme: 03.01.2015 21:36
-
Bu dünya göstərib mənə hər üzü,
Xatirələr şirin, acı qalıbdır.
Yadımda o qızın gülümsər üzü,
Bir də dalğalanan saçı qalıbdır.
Unutmaram onla keçən hər anı,
Vəfasızlıq edib vurdu aranı,
Qəlbimə vurduğu ağır yaranın,
Hələ intiqamı, öcü qalıbdır.
Şeytanmış mələk hesab etdiyim kəs,
Yolumuz ayrılıb, bir də görüşməz.
Intiqam almağa nə canda həvəs,
Nə də ki, qolumun gücü qalıbdır.
Yuxudaydım, ayılanda gec oldu,
Taleyimin yolları çox kəc oldu.
O gedəni ürəyim iflic oldu,
Keyi açılmayıb, qıcı qalıbdır.
01 may 2012
Müəllif : Həmid Piriyev
- Vəfasız sevgilim Konusuna Benzer Konular
- Sevgilime Iftira 05.05.2004
- Sevgilim 31.05.2004
- Unutma Sevgilim 29.06.2004
- Sevgilimsin 07.07.2004
- Vefasiz Sevgilim 07.07.2004