1. Ana Sayfa
  2. Azərbaycan
  3. Bilmirəm, unuda bilmirəm səni

Bilmirəm, unuda bilmirəm səni

Son güncelleme: 03.01.2015 22:10
SU-PERISI SU-PERISI foto
  • Xuraman Vefa

    Sən ki, qərarını verib getmisən,
    Bəs niyə unuda bilmirəm səni?
    Məni ürəyindən silib getmisən,
    Bəs niyə unuda bilmirəm səni?

    noimage

    Talanıb eşq adlı sərvətim, varım,
    Yalqızam, yanıma düşüb qollarım.
    Artıq sənsizləşib ömür yollarım,
    Bəs niyə unuda bilmirəm səni?

    noimage

    Üz-üzə qalmışam kədərlə, qəmlə,
    Bacara bilmirəm mən öz qəlbimlə.
    Deyəsən, taleyim küsüb mənimlə,
    Bilmirəm, unuda bilmirəm səni.

    noimage

    Sənli xatirələr boynunu bükür,
    Hicran kərpic-kərpic qəlbimi sökür.
    Həsrətin gözümdən qanlı yaş tökür,
    Bilmirəm, unuda bilmirəm səni.

    noimage

    Təklik əzabından usanıb canım,
    Qırılıb ümidim, itib gümanım.
    A zalım, düz sözü mən necə danım,
    Vəfayam, unuda bilmirəm səni.

    noimage
#03.01.2015 22:10 0 0 0