Sən bilməzsən
Son güncelleme:
-
Sən bilməzsən nə deməkdir
yoxluğunla danışmaq!?
Deyingən qarı kimi
yoxluğunla dalaşmaq...
Bu yoxluqda yox olmaq,
Bu yoxluğa qarışmaq...
Sonra da səssiz-səssiz
yoxluğunla barışmaq...
Sən bilməzsən necə olur
çəkdiyim bu əzablar!?
Bu yoxluqdan yazılıbmış
qalaq-qalaq kitablar!
Bu yoxluğu doldurmağa
nə karədir şərablar?!
Sən bilməzsən necə olur
tənhalığı bölüşmək!?
Sən bilməzsən necə olur
şeirlərlə sevişmək,
şəkillərlə öpüşmək,
Hər gün səhər ayılanda
yoxluğunla görüşmək!?
Sən bilməzsən...
Müəllif: Orxan Bahadırsoy
alıntı