Bəxtinə
Son güncelleme:
-
O gözəlin öyünməyə haqqı var,
Bir ox oğlu ox çıxıbdı bəxtinə.
Keyfi saz baxtı düşüb Tanrının,
Az istəyib, çox çıxıbdı bəxtinə.
Çox çətindi tapmaq gəzməklə zəri,
Yırtma çarığını, ağrıtma səri,
Qismətdə özündən qalmazdı geri,
Gözü-könlü tox çıxıbdı bəxtinə.
Atəşi səhvini yar çəkir zilə,
Halına acımaq bilmir bir gilə,
İstəmir, üzünə istəmir gilə,
Bir insafı yox çıxıbdı bəxtinə.
Şeiri yazan: Allahverdi Atəş