Deyim

Son güncelleme:
  • Niyə susdun,dinməyirsən, nolub sənə
    Xətrinəmi dəyən olub denən mənə
    Qızıl güldən çələng hörüm tellərinə
    Düz mən baxım,söz arası sözdə deyim .

    Nədir yenə dodaq büzdün,bu qaş-qabaq
    Sözlərim çox söz dəbində qalaq-qalaq,
    Bax beləcə qalxaq zilə,biz ucalaq,
    Hərdən enim pəstə belə,bəmdə deyim..

    Çıxıb getdin get yaxşı yol uğur osun,
    Qoy göz yaşın daim sevinç yaşı olsun,
    Büsat dolu günlərinlə badən dolsun
    Sağlıqlara mən qoşulum dəmdə deyim.

    Sübhdən axşam olanadək deyəcəyəm
    Bu sevginin etirafın edəcəyəm
    İnan , səni ölənəədək sevəcəyəm
    Dolanaraq yar başına şəmdə deyim.

    Müəllif : SEYMUR SÖNMƏZ

    alıntı
0 0 0