1. Ana Sayfa
  2. Azərbaycan
  3. Sənsizliklə yaşamağın adı yox - Şəhriyar İbrahimov

Sənsizliklə yaşamağın adı yox - Şəhriyar İbrahimov

Son güncelleme: 17.08.2015 13:11
Sbela Sbela foto
  • Şəhriyar İbrahimov şeirləri - Sənsizliklə yaşamağın adı yox şeirin oxu

    noimage
    Səsim yetmir,uzaqdasan uzaqda,
    Yad ocaqda çiçək açır gülüşün.
    Mən də sənsiz bircə tənha otaqda,
    Qəm çəkərək çürüdürəm ömür-gün...

    Əlim yetmir əllərinə nə vaxtdır,
    Saçlarında dəfn olunub əl izim.
    Mənim ömrüm közərən bir ocaqdır,
    Əsəcəksən,gözləyirəm əzizim...

    Sənsiz inan,dözülməzdi ömür-gün,
    Baxışını gözlərimdə saxlaram.
    Qəribsəyib darıxanda səninçün,
    Ətrin gələn yastığını qoxlaram...

    İntizardan qəlbim dönüb daş olub,
    Həsrət duztək yaralara basılır.
    Ürəyimdən axan qanlar yaş olub,
    Damla-damla kipriklərdən asılır...

    Gözlərimdən axan qandır,yaş deyil,
    Sənsizliklə yaşamağın adı yox.
    Ürək dözmür, ürək axı daş deyil.
    Heç sənsiz də ölməyin bir dadı yox..

    noimage

    Şəhriyar İbrahimov
#17.08.2015 13:11 0 0 0