1. Ana Sayfa
  2. Azərbaycan
  3. Boyadan yanan saçları xilas edən maskalar

Boyadan yanan saçları xilas edən maskalar

Son güncelleme: 24.08.2015 00:04
N.N. N.N. foto
  • maskalar - sac maskalari - boyadan yanan saçlara dair maskalar

    Boyadan yanan saçlar sağlam görünüşünü itirib cansızlaşır, saçlar təbii parlaqlığını itirir. Xlor da saça eyni təsiri göstərir. Saç köklərindən uclarına qədər bütün tellərdə saçqıran olur. Saça toxunduqda isə yun kimi sərt təsir bağışlayır. Bu, xüsusən boya və fenin təsirinə çox məruz qalan saçlarda görünür.

    Saçın tez-tez fenlənməsi, bir anda yenidən soyudulması saçı yorur. Saçın yorulması yanmazdan əvvəlki mərhələdir. Bu prosesdə saç artıq istədiyimiz kimi yığılmır. Təəssüf ki, yanmış saçları bərpa etmək çox çətindir.

    Yanan saçların sağlamlığına qovuşmasını təmin etmək üçün mütəmadi olaraq qulluq etməlisiniz.

    Sun.az yanmış saçlara həyat verən maska reseptlərini təqdim edir:

    Jojoba yağı maskası
    Ərzaqlar:
    4 yemək qaşığı jojoba yağı
    2 çay qaşığı rozmarin yağı
    1 çay qaşığı ətirşah çiçəyi yağı

    Hazırlanması:
    Bütün yağları qaşıq köməyi ilə yaxşıca qarışdırın. Hazırladığınız qarışığı nəm halda saçlarınıza masaj edərək sürtün. 15 dəqiqə saçda saxlayın. Sonra isə şampun ilə yaxalayın.

    Yumurta maskası
    Ərzaqlar:
    1 ədəd yumurta
    2 çay qaşığı ərik yağı
    5 yemək qaşığı hindqozu yağı

    Hazırlanması:
    Əvvəl yumurtanı çalın. Daha sonra qalan ərzaqları yumurtaya əlavə edib yenə yaxşıca qarışdırın. Hazırladığınız qarışığı saç uclarına daha çox olmaqla, bütün saçlara sürtün. 20 dəqiqədən sonra saçınızı şampunla yuyun.

    Banan maskası
    Ərzaqlar:
    1 ədəd banan
    1 xörək qaşığı bal

    Hazırlanması:
    Püre halına gətirdiyiniz bananın içinə balı əlavə edin və yaxşıca qarışdırın. Əldə etdiyiniz qarışığı saçlarınıza bərabər şəkildə çəkin. 20 dəqiqə saxladıqdan sonra saçlarınızı ilıq su ilə yaxalayın və şampunla yuyun.

    Zeytun yağı
    Ərzaqlar:
    2 xörək qaşığı zeytun yağı
    1 xörək qaşığı sirkə
    2 xörək qaşığı dünəndən dəmlənmiş qara çay

    Hazırlanması:
    Ərzaqları bir qaba töküb yaxşıca qarışdırın. Maskanı saç diblərindən uclarına kimi çəkin. 30 dəqiqədən sonra şampunla yaxşıca yuyun.

    Alinti...
#24.08.2015 00:04 0 0 0