1. Ana Sayfa
  2. Azərbaycan
  3. Bu gecə ürəyim səni istəyir - Rəvan Nişançı Məmmədli

Bu gecə ürəyim səni istəyir - Rəvan Nişançı Məmmədli

Son güncelleme: 28.08.2015 14:38
Sbela Sbela foto
  • Rəvan Nişançı Məmmədli şeirləri - Bu gecə ürəyim səni istəyir şeirin oxu

    Xoşbəxtlər yerində rahatca yatıb
    Oyağam yuxuma mən haram qatıb
    Bilmirəm, bəlkə də əcəlim çatıb
    Bu gecə ürəyim səni istəyir
    Danışdım, soruşdum dinmədi ürək
    Alışdı,su səpdim,sönmədi ürək
    Nə etdim fikrindən dönmədi ürək
    Bu gecə ürəyim səni istəyir
    Dərdimlə-sərimlə qardaş olmuşam
    Kağızla-qələmlə sirrdaş olmuşam
    Yaman kövrəlmişəm, yaman dolmuşam
    Bu gecə ürəyim səni istəyir
    Başımın üstüdə çəndi, dumandı
    Bəlkə də mənimçün axır zamandı
    Sözümü pis başa düşmə amandı
    Bu gecə ürəyim səni istəyir
    Çox deyil bir dəfə görüm üzünü
    Nə deyirsən..?bəlkə yumum gözümü
    Yuxuma gəl yerə salma sözümü
    Bu gecə ürəyim səni istəyir
    Sən yoxsan elə bil sınıxır ürək
    Hər adın gələndə karıxır ürək
    Səninçün nə yaman darıxır ürək
    Bu gecə ürəyim səni istəyir
    Elə bil divarlar gəlir üstümə
    Alışıb, yanıram yetiş tüstümə
    Sanki ürəyimdə durub qəsdimə
    Bu gecə ürəyim səni istəyir

    Rəvan Nişançı Məmmədli
#28.08.2015 14:38 0 0 0