1. Ana Sayfa
  2. Azərbaycan
  3. Gözlərin həmişə gəzəcək məni - Rəvan Nişançı Məmmədli

Gözlərin həmişə gəzəcək məni - Rəvan Nişançı Məmmədli

Son güncelleme: 01.09.2015 14:07
Sbela Sbela foto
  • Rəvan Nişançı Məmmədli şeirləri - Gözlərin həmişə gəzəcək məni şeirin oxu

    Unutmaq o qədər asan iş deyil
    Bu həsrət, bu hicran üzəcək səni
    Beş nədir, on nədir,keçsə də yüz il
    Gözlərin həmişə gəzəcək məni

    Keçən hər zamandan, gündən xəbərsiz
    Heç mən də bilmərəm, məndən xəbərsiz
    Kim bilir, bəlkə də, səndən xəbərsiz
    Gözlərin həmişə gəzəcək məni

    Hər gecə yoldaşın qıyanda sənə
    Sevişib-sevişib doyanda sənə
    Bir yanda öz ərin, bir yanda yenə
    Gözlərin həmişə gəzəcək məni

    Qoxlayıb rəsmimi sən öpə-öpə
    Gözlərin dəniz tək hey ləpə-ləpə
    Ağlayıb yoluma su səpə-səpə
    Gözlərin həmişə gəzəcək məni

    Bezib həyatından doyduğun zaman
    Gözünün yaşına qıydığın zaman
    Hardasa adımı duyduğun zaman
    Gözlərin həmişə gəzəcək məni

    Yanında özgəsi, qəlbində mənəm
    Gözlərin həmişə gəzəcək məni
    Nə yalan söyləyim, elə mənim də
    Gözlərim həmişə gəzəcək səni

    Rəvan Nişançı Məmmədli
#01.09.2015 14:07 0 0 0