Gecə və mən - Rəvan Nişançı Məmmədli
Son güncelleme:
-
Rəvan Nişançı Məmmədli şeirləri - Gecə və mən şeirin oxu
Dəlisi olmuşam, dəliyəm deyə
Ağlayan halıma gülən bir qızın
Su səpdim yoluna göz yaşlarımla
Yuxuma minnətlə gələn bir qızın
Kişilər ağlamaz deyirsən mənə
Kişi də insandır, vardır ürəyi
Mən yaxşı bilirəm kişi ağlayar
Gərəksiz bilərsə onu gərəyi
İştahım pis deyil,baxma düşmüşəm
Hər gecə qəm içib, kədər yeyirəm
Mənim yaşıdlarım bəylik geyəndə
Həsrətdən biçilmiş kəfən geyirəm
Cavabsız suallar gəzir beynimdə
Sən məni unutdun, bilmədim necə
Yuxusuz açmaqdan,sübhü,səhəri
Gecəylə dostam mən indi hər gecə
Gözlərim gör necə ağlayıb mənim
Yastıqdan göz yaşı qoxusu gəlir
Gecə də bacara bilmədi, mənlə
Bu gecə gecənin yuxusu gəlir
Rəvan Nişançı Məmmədli