Xurmalı-keşyulu biskotti resepti
Son güncelleme:
-
Xurmalı-keşyulu biskotti resepti - Xurmalı-keşyulu biskotti terifi ve terkibi - Xurmalı-keşyulu biskottin hazirlanmasi
Tərkibi:
3/4 st. şəkər tozu (250 ml-lik stəkan)
2 st. un
2 yumurta
1 ç.q. qabartma tozu
1 çimdik duz
2/3 st. keşyu
2/3 st. xurma
Hazırlanması:
Dərin ləyənə unu ələyin. Qabartma tozu, duz, şəkər tozunu əlavə edin. Qarışdırın. Yumurtanı çəngəllə yüngülcə çalın. Unun ortasında çuxur açın, yumurtanı içinə tökün. Eynicinsli kütlə alınanadək qarışdırın. Sonra iri doğranmış keşyu (yaxud zövqünüzə görə - qoz, fındıq, araxis və s.), iri doğranmış xurma əlavə edin. Xəmiri bir daha qarışdırın.
Sininin içinə perqament kağızı döşəyin. Əlinizi yaşlayıb xəmirdən baton düzəldin, siniyə qoyun. Əvvəlcədən qızdırılmış sobada 30 dəqiqə, üstü azca qızarınca bişirin. Sonra çıxarın, 2-3 dəqiqə soyudun. Uzun iti bıçaqla 1 sm qalınlıqda dilimlərə doğrayın.
Yenidən siniyə düzün. 10-15 dəqiqə qurudun.
Biskottini iki həftəyə qədər soyuq, quru yerdə saxlaya bilərsiniz, dadını və keyfiyyətini itirməz.
Nuş olsun!
alinti..