Bəhmən Vətənoğlu - Talanasıyam
Son güncelleme:
-
Saf çəkib sinəmə qəmlər ordusu
Şəhərlərdən betər talanasıyam
Qəlbim elə dolub,elə kövrəlib
Bircə çınqı düşsə qalanasıyam
Cavanlıq başının gülü solmasın
Sevgi bagçalarının gülü solmasın
Ay ellər qəlbimə dəyən olmasın
Daşqın çaylar kimi bulanasıyam.
De kim dözər Bəhmən kimi bu zülmə
Yalan desəm düyün vursun dilimə
Bu günümdə bir dost keçə əlimə
Yüz dəfə başına dolanasıyam..
Bəhmən Vətənoğlu