Hibrid avtomobil almağa dəyərmi?
Son güncelleme:
-
HİBRİD AVTOMOBİL ALMAĞA DƏYƏRMİ? REAL TƏCRÜBƏ VƏ MƏSLƏHƏTLƏR
Salam dostlar. Son vaxtlar istər forumumuzda, istərsə də gündəlik həyatda ən çox müzakirə olunan mövzulardan biri hibrid avtomobillərdir. Xüsusilə Bakının bitmək bilməyən tıxaclarını və benzin qiymətlərini nəzərə alsaq, demək olar ki, maşınını dəyişmək istəyən hər kəsin ağlında eyni sual var: "Görəsən hibrid alsam peşman olaram, yoxsa cibim rahatlayar?"
Bu yazıda bir neçə ildir hibrid texnologiyalı avtomobil istifadə edən və bu sahəni yaxından izləyən bir forumdaşı kimi, bütün müsbət və mənfi tərəfləri tam səmimi şəkildə sizə təqdim etmək istəyirəm.
ÜSTÜNLÜKLƏRİ NƏLƏRDİR?
- Möhtəşəm yanacaq qənaəti: Hibridlərin en böyük plusu şübhəsiz ki, sərfiyyatdır. Şəhər içi tıxacda 1.8-2.0 litrlik adi benzinli maşın 10-12 litr yanacaq işlətdiyi halda, hibrid avtomobil 3.5 - 5 litr arası benzin yandırır. Bu da ayın sonunda cibinizdə ciddi bir məbləğin qalması deməkdir.
- Tıxaclarda səssizlik və rahatlıq: Aşağı sürətlərdə və stop-and-go (dayan-dur) rejimində maşın tamamilə elektrik mühərriki ilə hərəkət edir. Ne mühərrik səsi var, nə vibrasiya. Tıxacda saatlarla qalanda insanı psixoloji olaraq yormur.
- Əyləc sisteminin uzunömürlüyü: Hibridlərdə "Regenerativ əyləc" sistemi olduğu üçün siz əyləcə basanda maşın əvvəlcə elektrik motoru ilə yavaşlayır və həmin enerjini batareyaya yığır. Bu səbəbdən əyləc bəndləri (nakladkalar) adi maşınlara nisbətən 2-3 dəfə daha gec sıradan çıxır.
- Ekoloji təmizlik: Xüsusilə böyük şəhərlərdə zərərli qazların azalması baxımından hibridlər gələcəyin ən məntiqi keçid addımıdır.
BƏS MƏNFİ TƏRƏFLƏRİ VƏ RİSKLƏR NƏLƏRDİR?
- Batareya riski və xərci: İkinci əl hibrid alarkən ən çox qorxulan məsələ yüksək gərginlikli batareyadır (HV Battery). Batareyanın ömrü bitibsə və ya blokları zəifləyibsə, bərpa olunması və ya yenilənməsi müəyyən məbləğ tələb edəcək.
- İlkin alış qiyməti: Eyni ilin və eyni sinfin yalnız benzinlə işləyən modeli ilə müqayisədə hibridlər ikinci əl bazarında bir az daha baha satılır.
- Magistral yolda qənaətin azalması: Əgər maşını əsasən rayonlara, uzaq yollara sürmək üçün alırsınızsa, hibrid sizə böyük möcüzə yaratmayacaq. Çünki 100-120 km/saatdan yuxarı sürətlərdə əsas yük benzin mühərrikinin üzərinə düşür və sərfiyyat adi maşınlarla demək olar ki, eyni olur.
- Usta və servis faktoru: Ölkəmizdə artıq hibrid ustaları çoxalsa da, hələ də hər yoldan keçən usta bu maşınların elektrik və inverter sistemindən başı çıxmır. Düzgün diaqnostika olunmadıqda sadə bir problem böyük xərcə çevrilə bilər.
AZƏRBAYCAN BAZARINDA NƏYƏ DİQQƏT ETMƏLİ?
Bizim bazarda daha çox Toyota (Prius, Camry, Aqua, RAV4), Ford Fusion, Honda Insight və Hyundai/Kia qrupunun hibrid modelləri üstünlük təşkil edir. Əgər ikinci əl hibrid almaq fikriniz varsa, mütləq bu addımları atın:
- Almazdan əvvəl maşını xüsusi diaqnostika proqramları ilə yoxladın və batareya bloklarının voltaj balansına baxdırın.
- İnverter sisteminin soyutma pompasının (pompa) işlədiyindən əmin olun. Bu sistem qızarsa, çox baha başa gələn zədələr verə bilər.
- e-CVT sürətlər qutusunun yağının vaxtında dəyişdirilib-dəyişdirilmədiyini soruşun.
YEKUN: ALMAĞA DƏYƏRMİ?
Qısası, əgər gününüzün böyük hissəsi şəhər daxilində, tıxaclarda keçirsinzsə və aylıq benzin xərcinizi yarıbayarı azaltmaq istəyirsinizsə, BƏLİ, HİBRİD AVTOMOBİL ALMAĞA QƏTİYYƏN DƏYƏR.
Amma bir şərtlə: Alarkən tələsməyəcəksiniz, maşının keçmişini, batareya vəziyyətini peşəkar ustaya yoxlatdıracaqsınız. Düzgün seçilmiş və vaxtı-vaxtında qulluq olunan hibrid avtomobil sizə illərlə problemsiz xidmət edəcək.
Aramızda hibrid istifadəçiləri varsa, öz təcrübələrini və real şəhəriçi sərfiyyat göstəricilərini rəylərdə bölsələr, almaq istəyən dostlarımız üçün də çox faydalı olar. Sizcə hansı hibrid modeli bizim yollara daha uyğundur?