Azərbaycanın Futbol Yığma Komandası - Azerbaycan - Millî Futbol Takımı
Quruluş ili: 1992
Məşqçi: Berti Foqts
Konfederasiya: UEFA (Avropa)
Fifa kodu: AZE
Stadion: Tofiq Bəhramov adına Respublika stadionu
Ən yaxşı nəticəsi: Lixtenşteyn 4:0 (Bakı 5 iyun ,1999)
Ən pis nəticəsi: Fransa 0:10 (Oser, 6 sentyabr,1995)
Azərbaycanın futbol üzrə yığma komandası Azərbaycan Respublikasının milli futbol komandası sayılır və Azərbaycan Futbol Federasiyaları Assosasiyası tərəfindən idarə olunur. Beynəlxalq turnirlərdə 1996-cı ildən etibarən şıxış edir. 2008-ci ilin aprelində Berti Foqts yığmaya baş məşqçi təyin olunmuşdur.
Erkən tarix
Məşhur Azərbaycan şairi və filosofu Nizami Gəncəvi məşhur Xəmsəsində futbola bənzər oyunu təsvir etmişdir.
İlk futbol klubları Azərbaycanda 1905-ci ildə yaradılmışdır. Onlar əsasən böyük neft şirkətlərini təmsil edirdi.
İlk çempionat 1911-ci ildə keçirilmişdir və bu çempionatın qalibi Britaniya neft şirkətini təmsil edən British Club olmuşdur.
Azərbaycan yığması ilk oyununu 1929-cu ildə Tehranda İran millisinə qarşı keçirmiş və 3 dəfə məğlub olunmuşdur-4:0, 4:1 və 11:0.
Sovet dönəmində Azərbaycan yığma komandası heç bir rəsmi görüş keçirməmişdir.
Müasir tarix
Müstəqillik əldə edildikdən sonra AFFA yaradılır.
1994-cü ildə Azərbaycan FİFA və UEFA ya üzv qəbul olunur.
Azərbaycan yığma komandası Avropada debütünü EURO 96-nın seçmə mərhələsində Rumıniyaya qarşı edir və məğlub olur. Azərbaycandakı gərgin siyasi vəziyyətlə əlaqədar olaraq milli ev oyunlarını Türkiyənin Trabzon şəhərində keçirməli olur.
Son illər yığmada milliləşdirilmiş futbolçular oynamağa başlayır.Onların arasında Branimir Subaşiç, Andre Ladaqa, Leandro Qomeş, Fabio Luis Ramim və başqalarını göstərmək olar.