1. Ana Sayfa
  2. Azərbaycan
  3. Heyran Xanım'ın Səirleri

Heyran Xanım'ın Səirleri

Son güncelleme: 12.12.2009 02:45
Leyl-i Lal Leyl-i Lal foto
  • Boyun sərvi-səhi, zülfün müənbər,
    Cəmalın Yusifi-Kənanə bənzər.

    Qaşın aşiqlərin qəsdinə guya,
    Xəm olmuş tiqi-sərəfşanə bənzər,

    Açanda gözlərin alır bu canı,
    Yatanda fitneyi-dövranə bənzər.

    Baxanda naz ilə tiri-nikahın
    Könüldə xəncəri-bürranə bənzər.

    Dilin bülbül, saçın sünbül, üzün gül,
    Kəc olmuş kirpiyin peykanə bənzər-

    Məhi-rüxsarın, ey huri-behişti,
    Gül üzrə dəsteyi-reyhanə bənzər.

    Burub badi-səba zülfün dağıtmış,
    Gül üzrə dəstyi-reyhanə bənzər.

    Ləbi-ləli-şəfabəxşin, əzizim,
    Be-eynih çeşmeyi-heyvanə bənzər.

    Xalın hindusifət künci-ləbində,
    Oturmuş təxt əra sultanə bənzər.

    Sənin kuyində aşiqlər fəğani
    Çəməndə bu bülbüli-xoşxanə bənzər.

    Şərarəi-şurəngizindən, ey məh,
    Sərim də atəşi suzanə bənzər.

    Gözüm yaşı fəraqindən üzümdə
    Sərasər lölöi-qəltanə bənzər.

    Əgərçi aşiqin çoxdur və lakin,
    İnanma, heç biri heyranə bənzər
#12.12.2009 02:44 0 0 0
Leyl-i Lal Leyl-i Lal foto
  • Olubdu qəm yatağı, şad gördüyün könlüm
    Dağıldı qüssədən, abad gördüyün könlüm.

    Diyari-qəmdə giriftarü dəstgir oldu,
    Kəməndi-firqətə, azad gördüyün könlüm.

    Fəraq dərdinə axtardı, tapmadı çarə,
    Cəmii hikmətə ustad gördüyün könlüm.

    Səriri-vəsldə Xosrovsifət oturmuşdu,
    Olubdu kuhdə Fərhad, gördüyün könlüm.

    Fəraqi-möhnətə düşmüş pərişikəstə olub,
    Vüsal seydinə səyyad gördüyün könlüm.

    hücumi-möhnətü qəmdən, süpehri-əlayə
    Yetirdi naləvü fəryad, gördüyün könlüm.

    Çəkib şərarələr, etdi vücudimi, Heyran,
    Misali-kureyi-həddad gördüyün könlüm.
#12.12.2009 02:45 0 0 0