Mən səni sevirəm
Son güncelleme:
-
AY QAŞI,
GÖZÜ QARA QIZ!
Göy çəməndə ötür turac,
Sübh açılır, gülür yamac.
Başındakı örpəyi aç,
Saçlarını yan dara, qız,
Ay qaşı, gözü qara qız!
Ay nuru salır kəndə
Biz eyvanda görüşəndə,
Toyumuzdan söz düşəndə
Gəl naz eləmə yara, qız,
Ay qaşı, gözü qara qız!
Bu gün məhsul bayramıdır,
Gözəl payız axşamıdır,
Deyib-gülmək əyyamıdır.
Geyin-keçin al-xara, qız,
Ay qaşı, gözü qara qız!
söz: İslam Səfərli
musiqi: Cahangir Cahangirov