1. Ana Sayfa
  2. Azərbaycan
  3. Mədəniyyət 2010 kataloqu işıq üzü görüb

Mədəniyyət 2010 kataloqu işıq üzü görüb

Son güncelleme: 18.05.2010 08:44
Lady_rap Lady_rap foto
  • noimage

    Mayın 20-də R. Mustafayev adına Dövlət İncəsənət Muzeyində “Mədəniyyət 2010” kataloqunun 3-cü sayının təqdimat mərasimi keçiriləcək.

    2008-ci ildən Azərbaycan, rus, ingilis dillərində nəfis şəkildə nəşr edilən kataloqda Azərbaycanın mədəniyyət və turizm sahəsində ən önəmli təbirlər, tanıtım və təbliğat xarakterli materiallar geniş şəkildə əks olunur. Nazirlikdən Lent.az-a verilən məlumata görə, kataloqun 2010-cu il sayında ötən il ərzində ölkəmizdə baş verən ən önəmli mədəniyyət hadisələri yer alıb.

    “Bakı – İslam mədəniyyətinin paytaxtı - 2009” tədbirləri çərçivəsində həyata keçirilən layihələrin işıqlandırılması ilə yanaşı kataloq ənənəvi musiqi, teatr, kino, ədəbiyyat, art, uşaqlar, opera və balet, turizm və digər rubrikaları ilə oxucularının görüşünə gəlib.
    2009-cu ilin ən yaddaqalan tədbirlərindən olan Beynəlxalq ”Muğam dünyası” Festivalı, Bakıda Beynəlxalq caz festivalı, Birinci Bakı Beynəlxalq Kitab Sərgi-Yarmarkası, “İslam mətbəxi” kulinariya festivalı, Müasir İncəsənət Muzeyinin açılış mərasimi, İsveçrədə, İngiltərədə, Küveytdə Azərbaycan mədəniyyəti günləri cəlbedici fotoşəkillərlə geniş işıqlandırılıb.


    Kataloqda oxucular həmçinin Rostropoviç adına üçüncü festival, Ü. Hacıbəyli adına Dövlət Simfonik Orkestrinin Meksika səfəri, Montrödə keçirilmiş caz festivalında həmvətənimiz İsfar Sarabskinin qələbəsi, virtouz Corc Bensonun Bakıya səfəri, “Eurovision 2009”, Dövlət Pantomima Teatrı, “Cavad xan” və “40-cı qapı” filmləri, İzzət Orucovun 100 illik yubileyi, Miniatür Kitab Muzeyi, “53-cü Venesiya byennalesi”, “Yeddi” – Müasir Azərbaycan fotoqrafiya sərgisi, Bakı Xoreoqrafiya Məktəbinin 80 illiyi ilə bağlı da maraqlı məqalələr oxuya bilərlər.
#18.05.2010 08:44 0 0 0