1. Ana Sayfa
  2. Azərbaycan
  3. Meni unutsanda unutmasan da

Meni unutsanda unutmasan da

Son güncelleme: 21.04.2011 11:33
Sarsın Sarsın foto
  • Meni unutsanda,unutmasan da!
    noimage
    Yenə sən gəldin gözlərimin önünə, yenə səni görürəm xəyalımda. Yenə qəhər boğur məni, çünki səni görmək istəyirəm və yalnız səni düşünürəm. Səni düşündükcə isə başqa bir şey də düşünürəm - səni ömrüm boyu unutmayacam; məni unutsan da, unutmasan da.
    Səninlə keçirdiyim günlər gəlir indi xəyalıma. Düşünürəm indi sənli günlərimi və yanımda olmağını istəyirəm. Sən yanımda olsan əgər, zamanım bir an kimi ötər və heç vaxt düşünmərəm ki, tənhayam, yanımda heç kim yoxdur. Sən yanımda olsan əgər səninlə ən şirin zamanların xatirəsini bölüşərdik və mənə bir söz deməyini istərdim - səni heç vaxt unutmayacam, məni unutsan da, unutmasan da.
    Səninlə olmaq istərdim həmişə. Çünki sən olanda yanımda başqa heç bir şeyə ehtiyacım qalmır. Mənə lazım olan tək şey sənsən. Sən olmadan hər şey gözümdə heçə enir. Ona görə sənin yanımda olmağını istəyirəm ki, sən mənə hər şeyi unutdurursan - ama mən səni unutmayacam - məni unutsan da, unutmasan da.
    Saatın əqrəbləri irəli can atdıqca, saniyələr, dəqiqələr, saatlat bir-birini əvəz etdikcə, saatlar günə, günlər həftəyə, həftələr aya çevrildikcə elə düşünmə ki, sənə olan sevgim, hisslərim, məhəbbətim azalır. Əksinə hər gün sənə olan sevgim daha da artır. Və yenə düşünürəm ki, səni heç vaxt unutmayacam - məni unutsan da, unutmasan da. !


    Məni unutsan da unutmasan da
    noimage
    Yenə bahar öz xoş qədəmlərini yurduma qoyur. Günəş ilıq şüaları ilə üşüyən bədənimi isitdikcə yenə səni xatırlayıb səni görürəm. Çünki sən də mənim ömrümə doğan parlaq yaz günəşisən. Çiçəklər, canlılar onlara həyat verən günəşi unuda bilməz. Mən də səni unuda bilmərəm - məni unutsan da, unutmasan da.
    Səni düşündükcə ömrümün ən gözəl xatirələri gözlərim önündə canlanır. Ən gözəl günlərim yada düşür səni xəyal edəndə. Çünki ömrümün ən gözəl anları, ən gözəl duyğuları məhz səninlə bağlıdır. O duyğuları, o anları unuda bilmərəm, çünki mən səni unuda bilmərəm - məni unutsan da, unutmasan da.
    Səninlə olmaq istərdim bu an - məndən nə qədər uzaqda olsan da. Səninlə döyünür qəlbim və səninlə nəfəs alır varlığım. Çünki nəfəs almadan canlılar var ola bilməz, ürəklər döyünmədən canlılar yaşaya bilməz. Mən də yaşaya bilmərəm, əgər məni unutsan. Sənə söz verirəm ki, səni heç vaxt unutmayacağam - məni unutsan da, unutmasan da!
    Sənə olan sevgimə özüm də heyrət edirəm. Çünki bu qədər sevəcəyimi, bu qədər sevgi gücüm olacağını heç özüm də düşüməmişdim. Orası da doğrudur ki, insan sevdikcə daha güclü olur. Yəqin ki, mənim də gücüm burdan gəlir - yəni ki, sizin sevginizdən. Buna görə də gücsüz olmamaq üçün həmişə sevəcəyəm və unutmayacam - məni unutsan da, unutmasan da.!


    Məni unutsan da unutmasan da
    noimage
    Səni düşünəndə saatlarım hardan gəlib necə keçirsə, heç özüm də bilmirəm. Çünki sən mənim ötən zamanımı zinətləndirənlərdən birisən. Sən mənim həyat ağacımın budaqlarındakı ən iri yaşıl yarpaq və o budaqlarda açılan ən dəyərli çiçəksən. Çiçəklər və yarpaqlar yarandıqları, qidalandıqları ağacı unutmazlar, elə mən də səni unutmaram - məni unutsan da, unutmasan da.
    Səni düşünəndə bütün varlığım yerindən titrəyir. Əllərim əsir və qəlbim titrəyir. Bu, sənə olan sevgimdəndir. Nə qədər çox sevirəmsə səni, qəlbim də o qədər çox titrəyir. Buna görə də qəlbimin döyüntüsü unutmaz səni - məni unutsan da, unutmasan da!
    Səni nə qədər çox sevdiyimi bir tanrım bilir, bir qəlbim, bir də gözlərim. Tarım bunu heç kimə bildirmir - məndən başqa. Qəlbim öz döyüntüsü ilə bunu büruzə verir, amma məni ələ vermir. Məni ələ verən ancaq mənim gözlərimdir. Çünki sənə baxanda və səni görəndə gözlərim misilsiz bir heyranlıqla parlayır. Məni bu ələ verir - onda bilərsən ki səni nə qədər sevirəm - məni unutsan da, unutmasan da!
    Ancaq, sənsizlik dərd olur mənə. Çünki alışa bilmirəm sənsizliyə. Nə qədər vaxt keçsə də, zaman ötsə də, məni hər şeyə alışdırsa da, ancaq bir şeyə alışdıra bilmir məni - sənsizliyə. Sənsizliyə alışa bilmədiyimə görə də səni unuda bilmirəm - məni unutsan da, unutmasan da!!

    Məni unutsan da unutmasan da
    noimage
    Çox düşünmüşəm - niyə səni bu qədər çox sevirəm? Tam dürüst cavabı heç özüm də tapa bilməmişəm. Çünki sənə olan sevgim tanrımın mənə ən dəyərli hədiyyələrindən biridir. Səni mənə tanrım sevdirib və səni unutmağı mənə qadağan edib - sən məni unutsan da, unutmasan da!
    Göz yaşlarım yanaqlarımdan axıb üzümü islatdıqca, qəlbimin həarətini özündə əks etdirən isti göz yaşları üzümə istilik verdikcə həmin yaşlarda sənin əksin görünür. Əksin yenə də öz gülümsər üzü ilə mənə baxır və öz baxışı ilə mənə sevgi bəxş edir. Sənin sevgini hiss etdikcə yenə də söz verirəm özümə ki, səni unutmayacam - məni unutsan da, unutmasan da!
    Ancaq bir şeyə əminəm - sən məni unutmayacaqsan. Çünki mən nə qədər sənə bağlıyamsa, sən ondan daha çox mənə bağlısan. Mən səni məni yaradanlardan biri kimi sevirəmsə, sən məni özünün bir parçası kimi sevirsən. Könül candan ayrılmaz - mən sənin könlün, sən isə mənim canımsan. Buna gördə də mən səni unutmaram - məni unutsan da, unutmasan da!
    Bu anda nə etdiyini bilmək istərdim. Mən indi səni düşünürəm, bəs sən necə, məni düşünürsənmi? Mən unuda bilmirəm səni, sən necə, unutmusanmı məni? Mən yaşaya bilmirəm sənsiz, sən necə yaşaya bilirsənmi mənsiz? Yaşaya bilməz bülbül çəmənsiz, balıq ümmansız - elə buna görə mən də yaşaya bilmərəm sənsiz və unutmaram səni - məni unutsan da, unutmasan da!!
    noimage
    Sən mənim həyatıma sevinc verən, həyatıma rəng qatan, rəngləndirən, ömrümü bəzəyən birisən. Sən mənim ömrümün tale mələyisən. Sən mənim hər şeyimsən. Mən səni unutsam, onda tanrım məni bağışlamaz. Çünki sən unudulası deyilsən. Buna görə də unutmayacam səni - məni unutsan da, unutmasan da!
    İndi olsam da sənsiz, yaşasam da sənsiz, sənə qovuşandan sonra heç vaxt qalmayacam sənsiz. Zaman keçdikcə daha çox bağlanıram sənə. Çünki sən mənim xoşbəxtlik, sevgi mənbəyimsən. O xoşbəxtliyin, sevginin varlığına son dəfə söz verirəm - heç vaxt unutmayacam- məni unutsan da, unutmasan da!

    noimage

    Alıntı...
#21.04.2011 11:33 0 0 0