Axirət aləminin mərhələləri
Son güncelleme: 25.05.2011 12:22
-
1-Ölüm
Ölüm ruhun tamamilə bədəndən ayrılmasına deyilir ki, hər bir insan müxtəlif xəstəliklər,
hadisələr və s. səbəblərdən bu dünyadan köçəcək və dünyada etdiyi
əməllərə görə Allah qarşısında hazır olacaqdır.
Bir sıra hədislərə əsasən ölüm, mömin və yaxşı əməl sahibləri üçün asan,
kafirlər və günahkarlar üçün çətin və ağır olacaqdır.
2-Qəbir
Ruhu bədənindən çıxmış insan qüsl, kəfən və s. işlərdən sonra qəbirdə dəfn olunur.
İstər müsəlman, istərsədə qeyri-müsəlman üçün qəbir məsələlərindən
biri də münkir və nəkirin ölüdən bir sıra suallar soruşmasıdır.
Onlar qəbirdə olan insandan Allah, Peyğəmbər,
Müqəddəs kitab, imam və s. məsələlər haqqında sual edəcəklər.
3-Bərzəx
Bərzəx aləmi Qiyamət günündəki möminlər və kafirlərin qalacağı
müvəqqəti bir yerdir ki, möminlər qiyamət gününədək orda cənnətə
oxşar müvəqqəti yerdə, kafirlər isə cəhənnəmə oxşar bir yerdə qalacaqlar.
Bu aləm dünya həyatı ilə Axirət arsındakı ayrılıq və boşluğu
doldurmaq üçün adlanmışdır. (Qurani-kərimin Möminun surəsinin 100-cü ayəsi,
həmçinin bir sıra hədislərdə Bərzəx aləmi haqda danışılmışdır).
4-Qiyamət
Qiyamət sözü ayağa qalxmaq və dirçəliş mənasını daşıyır.
Qurani-kərimdə bu gün "Yəvmud-din" (cəza və mükafat), "Yəvmul-axir" (son gün),
"Yəvmul-həsrət" (həsrət günü), "Yəvmul-üsr" (çətin gün) və "Yəvmə tubləs-sərair"
(pərdələrin kənara gedib, sirlərin aşkar olduğu gün) kimi adlarla yad edilmişdir.
Qurani-kərimin buyurduğuna görə, 2 dəfə İsrafilin vasitəsi ilə şeypur çalınacaq.
1-ci dəfə çalınanda yerdə və göylərdə olan canlı varlıqlar
öləcək və bununla Qiyamət günü başlanacaqdır.
Şeypur2-ci dəfə çalınanda isə, ölmüş canlılar bir daha
diriləcək və Allah hüzurunada dayanacaqlar.
5-Qəbrdən qalxmaq
Həzrət İsrafilin çaldığı 2-ci şeypurdan sonra əvvəldən dəfn olunmuş
insanlar öz qəbirlərindən qalxacaq və
etdiyi əməllərin hesabını görəcəklər.
Qurani-kərim bu haqda buyurur:
"(Onlar) qəbrlərdən çıxaraq həşaratlar kimi məhşərə səpələnəcəklər".
6-Əməllərin hesablanması
Qurani-kərimin buyurduqlarına əsasən, Qiyamət günündə zərrə
qədərdə olsa yaxşı və pis əməllər ölçüləcək və onların hər biri üçün savab
və cəza veriləcəkdir.Bu mərhələdə əməllərin ölçülüb hesablanması üçün
bir sıra şahidlər şəhadət verəcəkdir. Qurani-kərim ayələrindən istifadə
olunduğu kimi, Qiyamət günündə şəhadət verənlər aşağdakılardan ibarətdir:
Birinci: Allah-təala;
İkinci: İslam ümmətinin peyğəmbəri;
Üçüncü: İnsanın bədən üzvləri;
Dördüncü: Mələklər;
Beşinci: Yer;
7-Əməllər kitabının verilməsi
Axirət aləminin həyacanlı mərhələlərindən biri də insanlara əməllər
kitabının verilməsidir.Bu kitab insana sağ tərəfdən verilərsə,
onun cənnətə, sol tərəfdən verilərsə,
cəhənnəmə gedəcəyi məlum olacaqdır.
8-Sirat körpüsü
Axirət aləminin ən qorxulu mərhələlərindən biri də bütün insanların
siratdan keçməsidir. Sirat yeddi dayanacaqdan ibarət bir körpüdür.
9-Behişt və ya Cəhənnəm
Axirət aləminin sonuncu və abədi mərhələsi Cənnət və ya
Cəhənnəmdən ibarətdir ki, Cənnət yaxşı əməl sahibləri olan möminlər,
Cəhənnəm isə müşrik və kafirlər üçün əbədi bir yerdir.
Alıntı..
emeğine sağlık..
- Axirət aləminin mərhələləri Konusuna Benzer Konular
- Fatimə (s.ə.)- dünya və axirət qadınlarının seyyidəsi 23.11.2009
- Məad - Axirət aləmi 25.05.2011
- Axirət nədir 25.05.2011
- Axirət və Hökmlər 25.05.2011
- Moda aləminin tanınmış simaları bir araya gələcək 15.10.2011